पंजाब किंग्समध्ये अंतर्गत वादाच्या चर्चांना उधाण; प्रिती झिंटाने अफवांवर दिलं सडेतोड उत्तर
आयपीएल २०२६ मध्ये दमदार सुरुवात करणाऱ्या पंजाब किंग्स
संघाची घसरगुंडी सुरू झाली असून सलग चार पराभवानंतर संघात अंतर्गत वाद असल्याच्या
चर्चांना सोशल मीडियावर उधाण आले आहे. या पार्श्वभूमीवर पंजाब किंग्सच्या सहमालकीण
Preity
Zinta यांनी अखेर मौन सोडत अफवा पसरवणाऱ्यांना सडेतोड उत्तर दिले
आहे. यंदाच्या हंगामात पंजाबने पहिल्या सात सामन्यांपैकी सहा सामने जिंकून आणि एक
सामना पावसामुळे रद्द झाल्याने १३ गुणांसह गुणतालिकेत अव्वल स्थान मिळवले होते.
मात्र राजस्थान रॉयल्सविरुद्धच्या पराभवानंतर संघाची लय बिघडली आणि पंजाबला सलग
चार सामन्यांत पराभवाचा सामना करावा लागला.
संघाच्या खराब कामगिरीनंतर सोशल मीडियावर खेळाडूंच्या फिटनेसबाबत प्रश्न उपस्थित करण्यात आले. तसेच कर्णधार Shreyas Iyer यांच्यावर काही खेळाडू नाराज असल्याच्या आणि संघात दोन गट पडल्याच्या चर्चाही सुरू झाल्या होत्या. या चर्चांवर प्रतिक्रिया देताना प्रिती झिंटाने इन्स्टाग्राम पोस्टद्वारे स्पष्ट भूमिका मांडली. “टीका आणि जाणीवपूर्वक केलेली बदनामी यात मोठा फरक असतो,” असे सांगत त्यांनी संघाबाबत खोट्या अफवा पसरवण्यावर नाराजी व्यक्त केली. तांत्रिक मुद्द्यांवरील टीकेचे स्वागत आहे, मात्र कोणतीही खात्री नसताना चुकीची माहिती पसरवू नये, असे आवाहन त्यांनी केले. प्रिती झिंटाच्या या प्रतिक्रियेनंतर पंजाब किंग्सच्या ड्रेसिंग रूममधील वातावरणाविषयी सुरू असलेल्या चर्चांना मोठे उत्तर मिळाले आहे. आता आगामी सामन्यांमध्ये पंजाब किंग्स पुनरागमन करते का, याकडे चाहत्यांचे लक्ष लागले आहे.
