आरसीबीचा विजयाचा धडाका कायम, गुजरात जायंट्सवर ६१ धावांनी मात; स्मृती मानधनाच्या नेतृत्वाखाली प्लेऑफमध्ये दणक्यात प्रवेश
महिला प्रीमियर लीग (WPL) 2026 मध्ये रॉयल चॅलेंजर्स बेंगळुरू (RCB)
संघाने आपल्या दमदार कामगिरीचा सिलसिला कायम ठेवला आहे. सोमवारी
झालेल्या अटीतटीच्या सामन्यात आरसीबीने गुजरात जायंट्सचा (GG) तब्बल ६१ धावांनी पराभव करत सलग पाचवा विजय नोंदवला. या विजयासह आरसीबीने प्लेऑफमध्ये
प्रवेश निश्चित केला असून, या हंगामात प्लेऑफ गाठणारा आरसीबी
हा पहिला संघ ठरला आहे. गौतमी नाईकची झुंजार खेळी टॉस गमावून प्रथम फलंदाजीला
उतरलेल्या आरसीबीची सुरुवात निराशाजनक झाली. अवघ्या ९ धावांत ग्रेस हॅरिस आणि
जॉर्जिया वोल माघारी परतल्या. मात्र, त्यानंतर गौतमी नाईकने
डाव सावरत आक्रमक फलंदाजी केली. गौतमीने ५५ चेंडूत ७ चौकार
आणि १ षटकाराच्या मदतीने ७३ धावांची शानदार खेळी साकारली. तिला कर्णधार स्मृती
मानधना (२६ धावा) आणि ऋचा घोष (२७ धावा) यांनी मोलाची साथ दिली. अखेरच्या षटकांत राधा
यादवने ८ चेंडूत १७ धावा ठोकत संघाची धावसंख्या वाढवली. आरसीबीने २० षटकांत १७८
धावांचा भक्कम डोंगर उभारला. गुजरातचा डाव कोसळला १७९ धावांच्या लक्ष्याचा पाठलाग
करताना गुजरात जायंट्सचा डाव पूर्णपणे ढासळला. आरसीबीच्या सायली सातघरेने दुसऱ्याच
षटकात बेथ मूनी आणि सोफी डिव्हाईनला बाद करत गुजरातला मोठा धक्का दिला. अवघ्या ५६
धावांत गुजरातचे ६ फलंदाज तंबूत परतले. कर्णधार ॲशले गार्डनरने ४३ चेंडूत ५३
धावांची झुंज दिली, मात्र दुसऱ्या बाजूने तिला कोणतीही साथ
मिळाली नाही. अखेर
गुजरात जायंट्सचा डाव २० षटकांत ८ बाद ११७ धावांवर आटोपला. आरसीबीचा आत्मविश्वास
शिखरावर या दणदणीत विजयासह आरसीबीने गुणतालिकेत आपले स्थान भक्कम केले असून
प्लेऑफपूर्वीच संघाचा आत्मविश्वास प्रचंड वाढला आहे. स्मृती मानधनाच्या
नेतृत्वाखाली आरसीबी यंदा विजेतेपदासाठी प्रबळ दावेदार मानला जात आहे.
Warning: Undefined variable $URLToRedirect in /home/dailysanchar/public_html/NewsDetails.php on line 213
Warning: Undefined variable $AdImage in /home/dailysanchar/public_html/NewsDetails.php on line 214