नवी मुंबई विमानतळ उद्घाटनाला शरद पवारांना निमंत्रण नाही; कार्यक्रमाला राहणार अनुपस्थित
नवी मुंबई
पंतप्रधान नरेंद्र मोदी यांच्या हस्ते आज (८ ऑक्टोबर)
नवी मुंबई आंतरराष्ट्रीय विमानतळाचे भव्य
उद्घाटन होणार आहे. या सोहळ्याला मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदे उपस्थित राहणार
आहेत.
मात्र, राष्ट्रवादी शरदचंद्र पवार गटाचे
प्रमुख शरद पवार यांना या कार्यक्रमाचे निमंत्रणच मिळालेले नाही,
अशी माहिती त्यांच्या कार्यालयाकडून देण्यात आली आहे. शरद पवार यांचे कार्यालय : “निमंत्रणच आलेले नाही” शरद पवार यांच्या कार्यालयाने पुष्टी केली आहे की, “नवी मुंबई आंतरराष्ट्रीय विमानतळ
उद्घाटनासाठी आम्हाला कोणतेही निमंत्रण प्राप्त झालेले नाही.” या पार्श्वभूमीवर शरद पवार हे या कार्यक्रमाला अनुपस्थित
राहणार आहेत. “पंतप्रधान मोदी हे दोन दिवसांच्या मुंबई
दौऱ्यावर आहेत. विविध विकासकामांचे उद्घाटन त्यांच्या हस्ते होणार आहे. त्यातील
सर्वात महत्त्वाचा कार्यक्रम म्हणजे नवी मुंबई विमानतळ उद्घाटन. मात्र, या कार्यक्रमाचे निमंत्रण राष्ट्रवादी काँग्रेसचे अध्यक्ष शरद पवार यांना
देण्यात आलेले नाही. त्यामुळे ते कार्यक्रमास उपस्थित राहणार नाहीत.” विरोधकांना निमंत्रण नाही? अनेक विरोधी पक्ष नेत्यांना या कार्यक्रमाचे निमंत्रण न
दिल्याची माहिती समोर येत आहे. फक्त सत्ताधारी पक्षातील नेतेमंडळीच या
कार्यक्रमाला उपस्थित राहतील, असं कळतंय. अरविंद सावंतही राहणार अनुपस्थित या कार्यक्रमासोबतच आज मेट्रो ३ प्रकल्पाचं लोकार्पणही
पंतप्रधान मोदींच्या हस्ते होत आहे. दक्षिण मुंबईचे
खासदार अरविंद सावंत यांनाही या कार्यक्रमाचं निमंत्रण पाठवण्यात
आलं असलं तरी, निमंत्रण पत्रिकेवर
त्यांचं नाव नसल्याने ते उपस्थित राहणार
नसल्याचं समजतंय.
पार्श्वभूमी:
नवी मुंबई आंतरराष्ट्रीय विमानतळ हा महाराष्ट्रातील एक महत्त्वाचा
पायाभूत प्रकल्प असून, त्याच्या उद्घाटनाची राज्यभरात
उत्सुकता होती. मात्र, या कार्यक्रमात विरोधकांना निमंत्रण न
दिल्याने राजकीय वर्तुळात नवा वाद रंगण्याची शक्यता आहे.
