नागपुरात थरार : अल्पवयीनाच्या एकतर्फी प्रेमातून विद्यार्थिनी एंजेल जॉनची भररस्त्यात निर्घृण हत्या; मोनिका किरणापुरे प्रकरणाची आठवण ताजी

नागपुरात थरार : अल्पवयीनाच्या एकतर्फी प्रेमातून विद्यार्थिनी एंजेल जॉनची भररस्त्यात निर्घृण हत्या; मोनिका किरणापुरे प्रकरणाची आठवण ताजी

नागपुरात एक हृदय पिळवटून टाकणारी घटना समोर आली आहे. अतिशय हलाखीच्या परिस्थितीतून परिचारिका किंवा पॅरामेडिकलचे शिक्षण घेऊन स्वतःच्या पायावर उभे राहण्याचे स्वप्न पाहणाऱ्या 'एंजेल' या विद्यार्थिनीची एका अल्पवयीन नराधमाने निर्घृण हत्या केली.

🔹 घटना कशी घडली?
एंजेलने दोन महिन्यांपूर्वी आरोपीशी संपर्क तोडला होता. आरोपी सतत तिचा पाठलाग करून तिला बोलण्याचा आग्रह करत होता. त्याच्या वर्तनातील विक्षिप्तता व डोळ्यातील विखार तिने ओळखून घरच्यांना माहिती दिली होती. मात्र, बेसावध क्षणी आरोपीने भर रस्त्यावरच तिच्यावर प्राणघातक हल्ला करून तिची हत्या केली.

🔹 एंजेलची पार्श्वभूमी
एंजेल जॉन ही विद्यार्थिनी दहाती भागातील असून ती आई, भाऊ व आजी-आजोबांसोबत कौशल्यायन नगरातील छोट्याशा घरात राहत होती. तिचे वडील वेगळे राहत असल्याने सांभाळ आजी-आजोबांकडे होता. बिकट परिस्थिती असूनदेखील एंजेल हुशार व जिद्दी होती. परिचारिका किंवा पॅरामेडिकल क्षेत्रात करिअर करण्याची तिची इच्छा होती.

🔹 हत्या आणि समाजातील प्रतिक्रिया
या घटनेने ११ मार्च २०११ रोजी नंदनवन येथे झालेल्या मोनिका किरणापुरे हत्याकांडाच्या स्मृती जाग्या केल्या आहेत. स्थानिक नागरिकांमध्ये तीव्र संताप असून अल्पवयीन आरोपीवर कठोर कारवाईची मागणी केली जात आहे.

 

  • Follow Us: