इथिओपियातील हेली गुब्बी ज्वालामुखीचा उद्रेक; राखेचा लोट भारतात, अनेक आंतरराष्ट्रीय उड्डाणे रद्द
इथिओपियातील अफार प्रदेशातील हेली गुब्बी ज्वालामुखी जोरात
उद्रेकला असून निर्माण झालेला प्रचंड राखेचा लोट पूर्वेकडे अरबी समुद्र आणि
भारताच्या दिशेने सरकला आहे. या राखेच्या ढगाचा थेट परिणाम भारतातील हवाई
वाहतुकीवर झाला असून अनेक आंतरराष्ट्रीय उड्डाणे तातडीने रद्द करण्यात आली आहेत.
एअर
इंडियाचा अलर्ट
एअर इंडियाने परिस्थिती गंभीर असल्याचे सांगत पोस्ट केले
की, “आम्ही परिस्थितीवर बारकाईने लक्ष ठेवून आहोत आणि ऑपरेटिंग क्रूशी सतत
संपर्कात आहोत. प्रवाशी आणि क्रूची सुरक्षा ही आमची सर्वोच्च प्राथमिकता आहे.” एअर
इंडियाने प्रभावित प्रवाशांसाठी पर्यायी प्रवासाची व्यवस्था करण्याचे प्रयत्न सुरू
असल्याचेही सांगितले.
इंडिगोची
प्रतिक्रिया
इंडिगोने प्रवाशांना आश्वस्त करत सांगितले की
ज्वालामुखीच्या उद्रेकानंतर राखेचा ढग पश्चिम भारताकडे सरकत असल्याच्या बातम्या
चिंताजनक असू शकतात, परंतु हवेतील राख विमानांसाठी घातक
असल्याने सुरक्षा उपायांची काटेकोर अंमलबजावणी करण्यात येत आहे.
“आमचे पथक आंतरराष्ट्रीय विमान वाहतूक संस्थांशी समन्वय साधून
परिस्थितीचे निरीक्षण करत आहे.”
अनेक
उड्डाणे रद्द
राखेचा धोका टाळण्यासाठी विविध एअरलाइन्सनी उड्डाणे रद्द
केली आहेत:
- अकासा एअर – २४ आणि २५ नोव्हेंबर रोजी जेद्दाह,
कुवेत आणि अबू धाबी उड्डाणे रद्द
- केएलएम – अॅमस्टरडॅम–दिल्ली (KLM
871) व दिल्ली–अॅमस्टरडॅम (KLM 872) रद्द
- इंडिगो – काही पश्चिम भारतातील
मार्गांमध्ये बदल/प्रभाव
- एअर इंडिया – पर्यायी व्यवस्था प्रक्रियेत
DGCA चे निर्देश
भारतातील नागरी विमान वाहतूक महासंचालनालयाने (DGCA) सर्व विमान कंपन्या आणि विमानतळांना अत्यंत सावधगिरीचे निर्देश जारी केले
आहेत.
राखेचा ढग विमानांच्या इंजिनसाठी धोकादायक ठरू शकतो, म्हणून उड्डाण मार्ग बदल, विलंब, रद्दीकरण याबाबत तयारी ठेवण्याचे आदेश देण्यात आले आहेत.
ज्वालामुखीचा भारतावर थेट परिणाम
हेली गुब्बी ज्वालामुखीतून आलेल्या राखेमुळे:
- विमानांच्या इंजिनला
गंभीर धोका
- दृश्यता कमी
- हवाई मार्गात अडथळे
- उड्डाणे
विलंबित/रद्द
या कारणांमुळे परिस्थिती पूर्णपणे सामान्य होईपर्यंत
विमान कंपन्या उच्च सतर्कतेवर आहेत.
