अल्लू अर्जुन यांना दुःखाचा धक्का : आजी कनकरत्नम गरू यांचे ९४ व्या वर्षी निधन, तेलुगू सिनेमा इंडस्ट्रीत शोककळा
हैद्राबाद | ऑगस्ट २०२५
तेलुगू चित्रपटसृष्टीतून एक दुःखद बातमी समोर आली आहे. साऊथचा आयकॉन स्टार अल्लू अर्जुन यांच्या अत्यंत जवळच्या व्यक्ती, त्यांची आजी कनकरत्नम गरू यांचे आज सकाळी वृद्धापकाळाने निधन झाले. त्या ९४ वर्षांच्या होत्या. मिळालेल्या माहितीनुसार, कनकरत्नम गरू काही काळापासून आजारी होत्या व वयोमानामुळे आरोग्यविषयक समस्या भेडसावत होत्या. आज सकाळीच त्यांच्या निधनाची बातमी समोर आल्यानंतर तेलुगू सिनेमा इंडस्ट्रीवर शोककळा पसरली आहे.
🔹 अंतिम संस्कार
आज दुपारी त्यांच्यावर हैद्राबादमधील कोकापेट येथे अंतिम
संस्कार करण्यात येणार आहेत. अल्लू-कोनिडेला कुटुंबातील सर्व सदस्य अल्लू अरविंद
यांच्या घरी अंत्यदर्शनासाठी दाखल होत आहेत.
🔹 चित्रपटसृष्टीतून श्रद्धांजली
या बातमीची माहिती मिळताच अल्लू अर्जुनचे चाहते सोशल मीडियावरून
आजींना श्रद्धांजली वाहत आहेत. अभिनेता राम चरण यानेही आपल्या पेड्डी
चित्रपटाचे शूटिंग थांबवून हैद्राबादला धाव घेतली आहे.
तेलुगू चित्रपटसृष्टीतील अनेक कलाकार कनकरत्नम गरूंच्या
पार्थिवाचे अंतिम दर्शन घेण्यासाठी हैद्राबादमध्ये दाखल होत आहेत. विशेष म्हणजे
त्या तेलुगू चित्रपटसृष्टीतील ज्येष्ठ अभिनेते अल्लू रामलिंग यांच्या पत्नी
होत्या.
Warning: Undefined variable $URLToRedirect in /home/dailysanchar/public_html/NewsDetails.php on line 213
Warning: Undefined variable $AdImage in /home/dailysanchar/public_html/NewsDetails.php on line 214