संगमेश्वर महाविद्यालयात बीबीए-बीसीए सीईटी कार्यशाळेचे आयोजन
सोलापूर
(प्रतिनिधी): Sangameshwar College येथे बीबीए व बीसीए सीईटी परीक्षेच्या तयारीसाठी
विशेष कार्यशाळेचे आयोजन करण्यात आले आहे. ही कार्यशाळा दि. १ एप्रिल २०२६ ते १३ एप्रिल
२०२६ या कालावधीत दररोज सकाळी ९.०० ते दुपारी १२.१५ या वेळेत पार पडणार आहे. विद्यार्थ्यांना स्पर्धा परीक्षेची
योग्य दिशा मिळावी, तसेच त्यांच्या ज्ञानात व कौशल्यात वाढ व्हावी या उद्देशाने ही
कार्यशाळा आयोजित करण्यात आली आहे. या कार्यशाळेमध्ये अनुभवी प्राध्यापक व तज्ज्ञ मार्गदर्शक
विद्यार्थ्यांना सीईटी परीक्षेच्या अभ्यासक्रमाबाबत सविस्तर मार्गदर्शन करणार आहेत.
कार्यशाळेत लॉजिकल रिझनिंग, गणितीय क्षमता, इंग्रजी भाषा कौशल्य यांसारख्या महत्त्वाच्या
विषयांवर विशेष सत्रे आयोजित करण्यात येणार आहेत.
या कार्यशाळेची
वैशिष्ट्ये: सीईटी-केंद्रित स्ट्रॅटेजी, वेग व अचूकता वाढविण्यासाठी मार्गदर्शन,
स्कोअर सुधारण्यासाठी टिप्स, आत्मविश्वास वाढविण्यावर भर. तसेच विद्यार्थ्यांना मॉक
टेस्ट, सराव प्रश्नपत्रिका आणि वैयक्तिक मार्गदर्शनाची सुविधा देखील उपलब्ध करून दिली
जाणार आहे.
महाविद्यालयाचे
प्राचार्य यांनी सांगितले की, “विद्यार्थ्यांनी या सुवर्णसंधीचा लाभ घेऊन आपल्या करिअरची
भक्कम पायाभरणी करावी.”
या कार्यशाळेसाठी
कोणतीही नोंदणी फी आकारली जाणार नाही. त्यामुळे जास्तीत जास्त विद्यार्थ्यांनी या संधीचा लाभ घ्यावा,
असे आवाहन महाविद्यालय प्रशासनाकडून करण्यात आले आहे.
अधिक माहितीसाठी
व नोंदणीसाठी संपर्क: ९५०३३३७२२७/ ९०२८३०३०७७
