‘हे खूप भयंकर आहे’… मानखुर्द कोंडीत सोनाली कुलकर्णी ५ तास अडकल्या
मुंबई : सोनाली कुलकर्णी यांना मानखुर्द परिसरातील भीषण
वाहतूक कोंडीचा फटका बसला असून त्या तब्बल पाच तास रस्त्यावर अडकून राहिल्या.
मेट्रो क्रेन अपघातामुळे निर्माण झालेल्या या कोंडीमुळे हजारो वाहनचालकांना मोठा
त्रास सहन करावा लागला.
सायन–पनवेल मार्गावरील वाहतूक पूर्णपणे विस्कळीत झाली
होती. मुंबईहून नवी मुंबईकडे जाणारी वाहतूक ऐरोली मार्गे वळवण्यात आली. मात्र
त्यामुळे ऐरोली मार्गावरही मोठी गर्दी होऊन कोंडी अधिक वाढली. या परिस्थितीमुळे
संतप्त नागरिकांनी वाहतूक व्यवस्थेवर जोरदार टीका केली. अनेकांनी समाजमाध्यमांवर
“हे खूप भयंकर आहे” अशी प्रतिक्रिया देत मदतीची मागणी केली. काहींनी पोलिसांना
कोंडीची माहिती उशिरा मिळाल्याचा आरोप केला.
सोनाली कुलकर्णी यांनीही आपला अनुभव शेअर करत सांगितले की, त्या पाच तासांपासून कोंडीत अडकल्या होत्या आणि प्रशासनाकडून स्पष्ट
माहिती मिळत नव्हती. या कोंडीमुळे अनेक नागरिकांना दोन ते चार तास रस्त्यावर अडकून
राहावे लागले. काही ठिकाणी आजारी नागरिक, महिला आणि लहान
मुलांनाही मोठा त्रास सहन करावा लागला.
मानखुर्दमधील ही घटना मुंबईतील वाहतूक व्यवस्थेतील त्रुटी
पुन्हा एकदा समोर आणणारी ठरली असून आपत्कालीन परिस्थितीत अधिक प्रभावी नियोजनाची
गरज अधोरेखित झाली आहे.
