डॉ. बाबासाहेब आंबेडकर जयंतीनिमित्त सोलापुरात वाहतुकीत बदल

सोलापूर : डॉ. बाबासाहेब आंबेडकर यांच्या जयंतीनिमित्त शहरात मोठ्या प्रमाणात नागरिक अभिवादनासाठी येत असल्यामुळे वाहतूक व्यवस्थेत तात्पुरते बदल करण्यात आले आहेत. सोमवारी रात्री १२ वाजल्यापासून ते मंगळवारी रात्री १२ वाजेपर्यंत पार्क चौक परिसरातील वाहतूक मार्गांमध्ये बदल लागू राहणार आहेत. दरवर्षीप्रमाणे पार्क चौकातील डॉ. आंबेडकर यांच्या पुतळ्याजवळ मोठी गर्दी होत असल्याने शहर वाहतूक नियंत्रण शाखेने हा निर्णय घेतला आहे.

बंद राहणारे मार्ग
पार्क चौकाकडे येणारे खालील चारही प्रमुख मार्ग पूर्णपणे बंद राहणार आहेत –

• श्री सिद्धेश्वर मंदिर मार्ग
• सरस्वती चौक
• डफरीन चौक
• मुळे हॉस्पिटल परिसर

पर्यायी मार्ग

• रेल्वे स्टेशनकडे जाण्यासाठी : श्री सिद्धेश्वर मंदिर – होम मैदान – ज्ञानप्रबोधिनी मार्गे रेल्वे लाईन
• बसस्थानकाकडे जाण्यासाठी : डफरीन चौक – रेल्वे स्टेशन – अण्णाभाऊ साठे चौक मार्ग

वाहतूक पोलिसांनी नागरिकांना पर्यायी मार्गांचा वापर करण्याचे आवाहन केले असून, अनावश्यक गर्दी टाळण्यासाठी सहकार्य करण्याची विनंती केली आहे.