डोळ्यांवर काकडी का लावतात ?

तुम्ही अनेकदा पाहिलं असेल की फेशियल करताना काकडी डोळ्यांवर ठेवली जाते. हे तुम्ही टीव्हीवरही पाहिले असेल. घरी फेसपॅक लावल्यानंतरही अनेकजण डोळ्यांवर काकडी ठेवतात. काकडी अँटी ऑक्सिडंट, अँटी-इंफ्लेमेटरी आणि हायड्रेशनचा उत्तम स्रोत आहे. यामध्ये थायमिन, रायबोफ्लेविन, व्हिटॅमिन बी६, कॅल्शियम आणि मॅग्नेशियम चे गुणधर्म देखील असतात, जे डोळ्यांच्या आरोग्यासाठी फायदेशीर असतात. यामुळे डोळ्यांना नक्कीच आराम मिळतो. डोळ्यांची सूज आणि जळजळ देखील कमी होते. एवढेच नाही तर काळी वर्तुळेही दूर करू शकतात. जाणून घ्या डोळ्यांवर काकडी ठेवण्याचे कोणते फायदे आहेत. तज्ज्ञांच्या म्हणण्यानुसार, काकडीमध्ये अँटी ऑक्सिडेंट आणि सिलिका असते. यामुळे त्वचेला ग्लो येतो. यामुळे डोळ्यांच्या पेशींना आराम मिळतो आणि आजूबाजूच्या त्वचेमध्ये हायड्रेशन वाढते, ज्यामुळे ब्लड सर्क्युलेशन चांगल्या पद्धतीने होते आणि कोलेजन वाढते. त्यामुळे काळी वर्तुळे कमी होऊ लागतात. याशिवाय काकडीचा तुकडा बारीक करून त्यात मध मिसळून डोळ्यांच्या काळ्या वर्तुळांवर लावल्यास २० मिनिटांनी पाण्याने धुतले तर हळूहळू काळी वर्तुळे निघून जातात. परंतु लक्षात ठेवा की मध डोळ्यांच्या पापण्यांच्या केसांना लागता कामा नये. उन्हाळ्यात सूर्यप्रकाश आणि धुळीमुळे डोळे सुजतात. अशा स्थितीत काकडी कापून थंड होण्यासाठी फ्रीजमध्ये ठेवा आणि नंतर डोळ्यांना लावून झोपा. काकडीचे अँटी ऑक्सिडंट आणि दाहक विरोधी घटक डोळ्यांच्या सुजेपासून त्वरित आराम मिळवून देतील. काकडीत फायटोकेमिकल्स आढळतात, ज्यामुळे डोळ्यांच्या त्वचेभोवतीचा कोरडेपणा दूर होतो. फेस मास्कसोबत काकडीचे तुकडे डोळ्यांवर ठेवल्यास त्वचा मॉइश्चराइज होते. जर वृद्धत्वाचा परिणाम डोळ्यांवर होऊ लागला आणि सुरकुत्या आणि बारीक रेषा दिसायला लागल्या तर काकडी यावर खूप फायदेशीर ठरू शकते. काकडीमध्ये वृद्धत्वविरोधी गुणधर्म असतात. काकडी बारीक करून त्यात लॅव्हेंडर तेल टाका आणि सुरकुत्यांवर लावा, थोड्या वेळाने पाण्याने धुवा. याचा परिणाम काही दिवसांतच दिसून येईल.