इलेक्ट्रिक वाहन कर सवलत संपवण्याची ट्रम्प यांची योजना
मुंबई – अमेरिकेचे माजी राष्ट्राध्यक्ष डोनाल्ड ट्रम्प आणि टेस्लाचे सीईओ एलॉन मस्क यांच्यातील शाब्दिक युद्ध पुन्हा भडकले आहे. ट्रम्प यांनी थेट मस्कवर आरोप करत म्हटले की, "एलॉन मस्क यांनी जितके सरकारी अनुदान घेतले आहे, तितके इतर कुणालाही मिळाले नाही. जर ही मदत थांबवली, तर मस्कला त्यांचा व्यवसाय बंद करून पुन्हा दक्षिण आफ्रिकेत परत जावे लागेल." ट्रम्प यांनी आपल्या Truth Social या सोशल मीडियावर मस्कविरोधात पोस्ट करत म्हटले की, “ना रॉकेट उडतील, ना उपग्रह तयार होतील, ना इलेक्ट्रिक कार बनतील. या सगळ्यावर सरकारचा पैसा जातो. ही अनावश्यक खर्चाची योजना आहे.”
नवीन कर विधेयक –
काय बदल?
ट्रम्प यांच्या US Tax Bill 2025 मध्ये इलेक्ट्रिक
वाहन खरेदीवर मिळणाऱ्या $7,500 कर सूट रद्द करण्याचा प्रस्ताव आहे.
- यामुळे
इलेक्ट्रिक कार खरेदी करणाऱ्या ग्राहकांना मोठा आर्थिक फटका बसेल.
- मस्क
यांनी या निर्णयावर तीव्र आक्षेप घेतला.
- ट्रम्प
म्हणाले की,
“मी आधीपासून EV
आदेशाच्या विरोधात आहे. हे मूर्खपणाचे धोरण आहे.”
मस्कची टीका – नवीन
पक्ष स्थापन करण्याचा इशारा
या वादात मस्कही मागे हटलेले नाहीत.
त्यांनी अमेरिकेच्या $4 ट्रिलियन खर्च
योजनेवर जोरदार टीका केली.
मस्क म्हणाले की, “या विधेयकामुळे
अमेरिका कर्जात बुडेल. ही योजना रद्द न झाल्यास मी America Party नावाने नवीन राजकीय पक्ष काढेन.”
ट्रम्प विरुद्ध मस्क
– जुना संघर्ष नव्या टप्प्यात
दोघांमधील हा संघर्ष नवीन नाही:
- यापूर्वीही
मस्कने ट्रम्पच्या धोरणांवर टीका केली होती.
- ट्रम्प
यांनी मस्कवर “सरकारी अनुदान घेऊन खोटे उद्यमीपणाचे प्रदर्शन” केल्याचा आरोप केला.
- मस्क
यांनी ट्रम्पला “वास्तविक नवप्रवर्तनविरोधी” म्हटले.
या वादामुळे आगामी निवडणुकीतील
राजकीय समीकरणे आणखी धुमसण्याची चिन्हे आहेत.
