टीसीएस मॅनेजर मानव शर्मा आत्महत्या प्रकरण: पत्नी निकिता शर्मा विरोधात केस दाखल, पोलीस शोधात
आग्रा : गुरुग्राममधील टाटा कन्सल्टन्सी सर्व्हिसेस (TCS) कंपनीत कार्यरत मॅनेजर मानव शर्मा यांच्या आत्महत्येच्या प्रकरणात
त्यांच्या पत्नी निकिता शर्मा आणि तिच्या कुटुंबीयांविरुद्ध गुन्हा दाखल करण्यात
आला आहे. दरम्यान, निकिता शर्मा हिने सोशल मीडियावर एक
व्हिडीओ जारी करून स्वतःला निर्दोष ठरवण्याचा प्रयत्न केला आहे. मात्र, केस दाखल झाल्यानंतर ती कुटुंबासह घरातून फरार झाली आहे. काय आहे प्रकरण?
गुरुग्रामच्या सदर भागातील डिफेन्स कॉलनी येथे राहणाऱ्या नरेश कुमार
शर्मा (रिटायर्ड एअरफोर्स अधिकारी) यांच्या इकलौत्या मुलाने मानव शर्माने 24
फेब्रुवारी रोजी आत्महत्या केली. मानव शर्माने आत्महत्या करण्यापूर्वी 6 मिनिटे 57
सेकंदाचा एक भावनिक व्हिडीओ रेकॉर्ड केला होता. या व्हिडीओमध्ये त्याने पत्नी
निकिता शर्मा हिच्यावर विवाहबाह्य संबंध ठेवण्याचा आरोप केला आणि ती त्याला सतत
त्रास देत असल्याचे सांगितले. "कोणी तरी पुरुषांविषयीही विचार करा, ते देखील खूप एकटे आहेत", असे म्हणत त्याने
पुरुषांच्या हक्कांबाबत न्याय मिळावा, अशी मागणी केली. निकिता
शर्मा हिची बाजू मानव शर्माच्या आत्महत्येनंतर त्याची पत्नी निकिता शर्मा हिने
सोशल मीडियावर व्हिडीओ शेअर केला. या व्हिडीओमध्ये तिने म्हटले, "माझा तो फक्त भूतकाळ होता, लग्नानंतर माझे
कोणाशी काही नव्हते. पण जेव्हा त्यांना माझ्या भूतकाळाबद्दल कळले, तेव्हापासून ते मला सतत त्रास देत होते. ते स्वतःही दारू प्यायचे आणि मला
मारहाण करायचे." निकिताने तिच्यावर लावण्यात आलेले आरोप फेटाळले असले तरी,
व्हिडीओ जारी केल्यानंतर ती घरातून बेपत्ता झाली आहे. पित्याने सुन
आणि तिच्या कुटुंबावर तक्रार दाखल केली मानव शर्माचे वडील नरेश शर्मा यांनी
मुलाच्या आत्महत्येनंतर सुन निकिता शर्मा व तिच्या कुटुंबाविरुद्ध तक्रार दाखल
केली. त्यांनी हा मुद्दा मुख्यमंत्र्यांपर्यंत पोहोचवून न्याय मिळवण्याची मागणी
केली आहे. पोलीस काय म्हणतात? गुरुग्राम पोलीस विभागाचे DCP
वेस्ट सोनम कुमार म्हणाले, "निकिताने जर तिची
बाजू मांडायची असेल, तर तिने पोलिसांसमोर येऊन निवेदन
द्यावे. सोशल मीडियावर व्हिडीओ पोस्ट करून काहीही साध्य होणार नाही." निकिता
शर्मा आणि तिचे कुटुंब फरार
निकिता आणि तिच्या कुटुंबाविरोधात गुन्हा दाखल झाल्यानंतर
संपूर्ण कुटुंब घर सोडून पळून गेले आहे. पोलिसांनी तिच्या घरावर छापा टाकला असता
तेथील वातावरण शांत आणि रिकामे आढळले. सध्या पोलीस तिच्या शोधात आहेत.
पुढे काय होऊ शकते?
✔ पोलिसांकडून
निकिता शर्माला लवकरच अटक होऊ शकते.
✔ आत्महत्येच्या
संपूर्ण चौकशी अहवालानंतर इतर आरोपींवरही कारवाई होऊ शकते.
✔ या घटनेमुळे
पुरुषांच्या मानसिक आरोग्याबाबत आणि त्यांच्या हक्कांविषयी मोठी चर्चा सुरू झाली आहे.
