टी-20 चॅम्पियन्स लीग 2026 पासून पुन्हा सुरू होण्याची शक्यता
भारतात क्रिकेटचं वेड सर्वश्रुत आहे आणि त्यात आयपीएलने मोठा बाजार निर्माण केला आहे. याच पार्श्वभूमीवर ICC (आंतरराष्ट्रीय क्रिकेट परिषद) अध्यक्ष जय शहा यांच्या नेतृत्वाखाली एक मोठा निर्णय घेण्यात आला आहे. 2014 पासून बंद असलेली टी-20 चॅम्पियन्स लीग 2026 पासून पुन्हा सुरू होण्याची शक्यता वर्तवण्यात आली आहे. सिंगापूरमध्ये झालेल्या ICCच्या वार्षिक सर्वसाधारण सभेत, संजोग गुप्ता यांच्या अध्यक्षतेखाली आठ सदस्यांची समिती स्थापन करण्यात आली आहे. ही समिती 2025 अखेरपर्यंत टी-20 चॅम्पियन्स लीगसाठी शिफारसी सादर करणार आहे. या समितीत BCCI, क्रिकेट ऑस्ट्रेलिया आणि इंग्लंड क्रिकेट बोर्डाचे सदस्य आहेत. सिडनी मॉर्निंग हेराल्डच्या माहितीनुसार, IPL मधील टॉप चार संघांना स्पर्धेत सहभागी होण्याची शक्यता आहे, परंतु अंतिम निर्णय समिती घेणार आहे. द गार्डियनच्या वृत्तानुसार, वर्ल्ड टेस्ट चॅम्पियनशिपच्या पुढील चक्रातही बदलांची शक्यता आहे.
चॅम्पियन्स लीगचा इतिहास:
टी-20 चॅम्पियन्स लीग शेवटची 2014
मध्ये भारतात झाली होती. CSK (चेन्नई सुपर
किंग्ज) ने KKR (कोलकाता नाईट रायडर्स) ला पराभूत करत
विजेतेपद मिळवले होते. यापूर्वी CSK आणि मुंबई इंडियन्स या
दोन्ही संघांनी प्रत्येकी दोन वेळा ही स्पर्धा जिंकली होती. इतर विजेत्यांमध्ये New
South Wales आणि Sydney Sixers (ऑस्ट्रेलिया) यांचा
समावेश आहे.
का बंद झाली होती चॅम्पियन्स लीग?
- आर्थिक नुकसान: प्रेक्षकांची संख्या कमी, प्रायोजकांचा अभाव
- प्रेक्षकांचा रस कमी: भारताबाहेरील
खेळाडूंमध्ये ओळख नसल्यामुळे कमी आकर्षण
- वेळापत्रकातील अडचणी: देशांतर्गत आणि
आंतरराष्ट्रीय मालिकांमध्ये गोंधळ
- संघांची असमान ताकद: IPL संघ खूप मजबूत,
इतर संघ कमकुवत
- प्रसारण आणि प्रायोजक अपयश: ब्रँडिंग आणि
टीव्ही रेटिंग कमी
