सोलापूर महानगरपालिका निवडणूक काळात पैसे वाटपाचा प्रकार उघड; भाजप उमेदवाराचा मुलगा पकडला
सोलापूर महानगरपालिका निवडणुकीच्या पार्श्वभूमीवर प्रभाग
क्रमांक २२ मध्ये निवडणूक आचारसंहितेचा गंभीर भंग झाल्याचा प्रकार समोर आला आहे.
भाजपच्या उमेदवार अंबिका नागेश गायकवाड यांचे चिरंजीव प्रेम नागेश गायकवाड आणि
मोहित गुरुदत्त गायकवाड हे मतदारांना पैसे वाटप करत असताना रंगेहात पकडल्याचा दावा
काँग्रेसचे उमेदवार कुणाल गायकवाड यांनी केला आहे. ही घटना मंगळवार, दिनांक १४ जानेवारी २०२६ रोजी मोदी हुडको परिसरात घडल्याचे सांगण्यात येत
आहे. काँग्रेस उमेदवार कुणाल गायकवाड यांच्या म्हणण्यानुसार, भाजपकडून मतदारांना आर्थिक प्रलोभन देऊन निवडणूक जिंकण्याचा प्रयत्न केला
जात होता. या प्रकाराची माहिती मिळताच परिसरात एकच खळबळ उडाली आणि काँग्रेसचे
कार्यकर्ते घटनास्थळी जमा झाले. निवडणूक काळात मतदारांना पैसे वाटून प्रभावित
करण्याचा प्रकार हा लोकशाही मूल्यांना तडा देणारा असल्याची प्रतिक्रिया स्थानिक
नागरिकांनी व्यक्त केली आहे. या घटनेनंतर वातावरण तणावपूर्ण झाले होते. काँग्रेस
उमेदवार कुणाल गायकवाड यांनी या प्रकरणाची तात्काळ माहिती निवडणूक प्रशासन व
पोलिसांना दिली असून, दोषींवर कठोर कारवाई करण्याची मागणी
केली आहे. सत्ताधारी भाजप पैशांच्या जोरावर निवडणूक जिंकण्याचा प्रयत्न करत
असल्याचा आरोपही त्यांनी केला आहे. दरम्यान, या प्रकरणावर
भाजपकडून अद्याप अधिकृत प्रतिक्रिया आलेली नाही. निवडणूक प्रशासन आणि पोलिसांकडून
घटनेची चौकशी सुरू असून पुढील कारवाईकडे सर्वांचे लक्ष लागले आहे.
Warning: Undefined variable $URLToRedirect in /home/dailysanchar/public_html/NewsDetails.php on line 213
Warning: Undefined variable $AdImage in /home/dailysanchar/public_html/NewsDetails.php on line 214