सोलापूर बाजार समिती निवडणूक: 429 अर्ज दाखल, भाजप नेत्यांची भूमिका निर्णायक

सोलापूर : सोलापूर कृषी उत्पन्न बाजार समितीच्या निवडणुकीसाठी ४२९ इच्छुकांनी उमेदवारी अर्ज दाखल केले आहेत. यामध्ये आमदार सचिन कल्याणशेट्टी, आमदार सुभाष देशमुख यांची माणसं कोण आणि माजी आमदार दिलीप माने यांची माणसं कोण? याचा कसून शोध घेतला जात आहे. दोन पॅनेलला सर्वच्या सर्व जागांवर सक्षम उमेदवार मिळतील, अशी स्थिती प्राथमिकदृष्ट्या दिसत आहे. उमेदवारीचा अंतिम निर्णय भाजपच्या राज्य पातळीवरील वरिष्ठ नेत्यांकडून घेतला जाण्याची शक्यता आहे. राज्यात असलेल्या भाजपच्या सत्तेचा प्रभाव आणि राष्ट्रीय बाजारचे अस्त्र यामुळे भाजप नेत्यांची भूमिका निर्णायक ठरण्याची शक्यता आहे. अक्कलकोटचे आमदार सचिन कल्याणशेट्टी आणि सोलापूर दक्षिणचे आमदार सुभाष देशमुख यांची भूमिका या निवडणुकीत महत्वाची मानली जात आहे. माजी आमदार दिलीप माने यांच्या भूमिकेकडेही राजकीय वर्तुळाचे लक्ष लागले आहे. भाजपसोबतच राष्ट्रवादी काँग्रेस आणि शिवसेनेलाही या निवडणुकीत भूमिका मिळण्याची शक्यता आहे.