सैफच्या मेडिकल रिपोर्टमध्ये 5 जखमांचा उल्लेख

मुंबई: अभिनेता सैफ अली खानवर पाच ठिकाणी चाकूने वार करण्यात आले. त्याच्या पाठीला, मनगटाला, मानाला, खांद्याला आणि कोपराला दुखापत झाली. त्याचा मित्र अफसर झैदी त्याला ऑटो रिक्षातून मुंबईच्या लीलावती रुग्णालयात घेऊन गेला. सैफच्या वैद्यकीय अहवालातून हे उघड झाले आहे. "जखमांचा आकार ०.५ सेमी ते १५ सेमी पर्यंत होता," असे अहवालात म्हटले आहे. हल्ल्याच्या रात्री, सैफचा मित्र अफसर झैदी त्याला पहाटे ४:११ वाजता लीलावती रुग्णालयात घेऊन गेला आणि औपचारिकता पूर्ण केली. दुसरीकडे, पोलिसांनी सैफ अली खानचा जबाब नोंदवला. त्याने सांगितले की, १६ जानेवारीच्या रात्री तो आणि त्याची पत्नी करीना कपूर ११ व्या मजल्यावर त्यांच्या बेडरूममध्ये होते तेव्हा त्यांना त्यांच्या नर्स एलियामा फिलिपच्या ओरडण्याचा आवाज आला. दरम्यान, भाजप नेते तथा नितीश राणे यांनी  पुण्यातील सभेत सैफवर टीका  केली होती.  'तुम्हाला मुंबईत बांगलादेशी दिसतात. ते सैफच्या घरात दाखल होत आहेत. पूर्वी ते रस्त्याच्या कडेला उभे असायचे, आता ते घरात शिरू लागले आहेत. कदाचित तो त्याला (सैफ अली खान) घ्यायला आला असेल. बरं, कचरा दुसरीकडे नेला पाहिजे. अशा शब्दात सैफवरील हल्ल्याबाबत शंका व्यक्त केली होती. त्यामुळे सैफच्या मेडिकल रेपोर्टचे महत्व वाढले आहे.