रिलायन्स जिओ आणि स्पेसएक्स यांचा करार; भारतात स्टारलिंक सॅटेलाइट इंटरनेटची तयारी
रिलायन्स जिओने एलॉन मस्क यांच्या
स्पेसएक्ससोबत करार करत भारतात स्टारलिंक हाय-स्पीड सॅटेलाइट
इंटरनेट सेवा सुरू करण्याची तयारी केली आहे. या करारामुळे भारतातील ग्रामीण आणि दुर्गम भागांमध्ये ब्रॉडबँड सेवा उपलब्ध करून
देण्यास मोठी मदत होणार आहे.
स्टारलिंक सेवा भारतात येणार?
स्पेसएक्सला भारत सरकारकडून मंजुरी मिळाल्यास हा करार प्रत्यक्षात अंमलात आणला जाईल. मंगळवारी एअरटेलनेही स्पेसएक्ससोबत करार केला होता, त्यामुळे भारतातील सॅटेलाइट इंटरनेट स्पर्धा अधिक
तीव्र होण्याची शक्यता आहे.
जिओचा स्टारलिंकसाठी पुढाकार
जिओच्या अधिकृत निवेदनानुसार, जिओ प्लॅटफॉर्म्स लिमिटेड आणि स्पेसएक्स यांच्यातील करारानुसार, जिओच्या नेटवर्कद्वारे ग्राहकांना स्टारलिंक ब्रॉडबँड सेवा मिळणार आहे. जिओ आपल्या रिटेल आउटलेट्स आणि ऑनलाइन स्टोअरफ्रंटच्या माध्यमातून स्टारलिंक सेवा उपलब्ध करून देईल. भारताच्या डिजिटल क्रांतीसाठी मोठे पाऊल जिओ भारताचा सर्वात मोठा मोबाईल नेटवर्क ऑपरेटर आहे, तर स्टारलिंक अर्थ ऑर्बिट सॅटेलाइट कॉन्स्टेलेशन ऑपरेटर आहे. या भागीदारीमुळे भारताच्या दुर्गम भागांमध्ये इंटरनेट सुविधा पोहोचवण्याचे उद्दिष्ट पूर्ण होईल.
