महाराष्ट्रात मान्सूनपूर्व पावसाचा कहर – रायगड, रत्नागिरीसाठी रेड अलर्ट
मुंबई | महाराष्ट्रात गेल्या
चार दिवसांपासून मान्सूनपूर्व पावसाने दमदार हजेरी लावली आहे. हवामान विभागाने (IMD)
23 मे 2025 रोजी कोकण,
मध्य महाराष्ट्र, मराठवाडा आणि विदर्भ या भागांसाठी पावसाचा इशारा दिला आहे.
विशेषतः रायगड आणि रत्नागिरी जिल्ह्यांना रेड अलर्ट, तर मुंबई, ठाणे, पालघर, पुणे, नाशिक, नगर, संभाजीनगर आणि सिंधुदुर्ग यांसाठी ऑरेंज अलर्ट जारी करण्यात आला आहे. इतर भागांसाठी यलो अलर्ट देण्यात आला आहे. अरबी समुद्रात तयार झालेले कमी दाबाचे क्षेत्र उत्तरेकडे सरकत असून, पुढील 36 तासांत ते अधिक तीव्र होण्याची शक्यता वर्तवण्यात आली आहे. त्यामुळे पावसाचा जोर आणखी वाढणार आहे.
वादळी वारे आणि अतिवृष्टीचा धोका
हवामान विभागानुसार, 30 ते 60 किमी
प्रतितास वेगाने वादळी वारे वाहण्याची शक्यता आहे. काही
भागांत मेघगर्जनेसह अतिमुसळधार पावसाचा अंदाज आहे. त्यामुळे मच्छिमारांना
समुद्रात न जाण्याचा, तसेच नागरिकांनी सावध राहण्याचा
इशारा देण्यात आला आहे.
पुढील चार दिवसांचे अलर्ट:
- 23
मे:
रायगड, रत्नागिरी – रेड अलर्ट
मुंबई, ठाणे, पालघर, पुणे, नगर, संभाजीनगर, नाशिक, सिंधुदुर्ग – ऑरेंज अलर्ट - 24-25
मे:
कोकण किनारपट्टी – ऑरेंज अलर्ट; इतर भाग
– यलो अलर्ट
- 26
मे:
सिंधुदुर्गात पावसाचा जोर कायम राहण्याची शक्यता
पावसाचा धुमाकूळ – जिल्हानिहाय
माहिती
- कोकण: रायगड,
रत्नागिरीत 25 मेपर्यंत जोरदार पाऊस;
सिंधुदुर्गात सलग पाच दिवस अतिवृष्टीचा इशारा
- मुंबई/ठाणे/पालघर: 24 मेपासून
मुसळधार पावसास सुरुवात होणार
- मध्य
महाराष्ट्र:
पुणे, सातारा, कोल्हापूरच्या
घाट भागात दोन दिवस ऑरेंज अलर्ट
- मराठवाडा: परभणी,
बीड, नांदेड, लातूर
– आज मुसळधार पाऊस; छत्रपती संभाजीनगर – उद्या अलर्ट
नागरिकांनी काय काळजी घ्यावी?
- प्रवास
टाळावा किंवा अत्यावश्यक असल्यास सुरक्षित मार्गांचा वापर करावा
- उघड्यावर
किंवा पाण्याजवळ उभे राहणे टाळावे
- विजेच्या
तारा,
झाडांची फांदी यापासून दूर राहावे
- स्थानिक
प्रशासनाने दिलेल्या सूचनांचे पालन करावे
