छत्रपतींवर अवमानकारक विधानप्रकरणी प्रशांत कोरटकर पोलीस कोठडीत; वकिलाकडून हल्ल्याचा प्रयत्न

कोल्हापूर:
इतिहास अभ्यासक इंद्रजित सावंत यांना धमकी दिल्याच्या आणि छत्रपती शिवाजी महाराज व छत्रपती संभाजी महाराज यांच्याबद्दल अवमानकारक विधान केल्याच्या प्रकरणी अटक करण्यात आलेल्या प्रशांत कोरटकरला आज शुक्रवारी  कोल्हापूर जिल्हा सत्र न्यायालयाने आणखी दोन दिवसांची पोलीस कोठडी सुनावली आहे.

हल्ल्याचा प्रयत्न:
न्यायालयाबाहेर कोरटकरला बाहेर काढले जात असताना एका वकिलाने त्याच्यावर हल्ला करण्याचा प्रयत्न केला. मात्र, सुरक्षा रक्षकांनी वेळीच हस्तक्षेप करून परिस्थिती नियंत्रणात आणली.

प्रकरणाचा युक्तिवाद:
वकील असीम सरोदे यांनी युक्तिवाद करताना सांगितले की, प्रशांत कोरटकर यांनी खोटे पुरावे नष्ट केले असल्याचे सिद्ध झाले आहे. तसेच, त्याचा एका सट्टा बुकीसोबत संपर्क असल्याचा संशय व्यक्त करण्यात आला आहे. याशिवाय, कोरटकरने 6 ते 7 ठिकाणी वास्तव्य केले असून, तो वेगवेगळ्या गाड्या वापरत होता. या पार्श्वभूमीवर सखोल तपास करण्याची गरज असल्याचे सरोदे यांनी नमूद केले.