नगीना खासदार चंद्रशेखर आझाद यांच्यावर पीएचडी विद्वान रोहिणी घावारी यांचे गंभीर आरोप
उत्तर प्रदेशातील नगीना लोकसभा मतदारसंघाचे
खासदार आणि आझाद समाज पक्षाचे (कांशीराम) प्रमुख चंद्रशेखर आझाद हे वादात अडकले
आहेत. पीएचडी विद्वान डॉ. रोहिणी घावारी यांनी त्यांच्यावर अनेक गंभीर आरोप केले
असून पंतप्रधान नरेंद्र मोदी यांना पत्र लिहून न्यायाची मागणी केली आहे.
रोहिणी घावारी यांनी आपल्या पत्रात म्हटले आहे
की,
“भारताची कन्या म्हणून मी नेहमीच देशाचा सन्मान वाढवण्याचा प्रयत्न
केला आहे. परंतु आता हा माझ्या न्याय आणि स्वाभिमानाचा प्रश्न आहे. मी माझी तक्रार
राष्ट्रीय महिला आयोग आणि दिल्ली पोलिसांकडे दिली आहे, तरीही
अद्याप कोणतीही कारवाई झालेली नाही.”
त्या पुढे म्हणाल्या की,
“या घटनेने माझे आयुष्य उद्ध्वस्त केले आहे. समाजाचे ठेकेदार एका
महिलेचा अपमान करत आहेत. दीर्घकाळ नैराश्यात राहिल्यानंतर आता मी न्याय आणि
सन्मानासाठी लढण्याचा निर्धार केला आहे. ही लढाई लाखो महिलांच्या स्वाभिमानासाठी
आहे.”
आपल्या पत्रात त्यांनी असा सवाल उपस्थित केला की,
“ही कसली व्यवस्था आहे जिथे एका स्त्रीचा अपमान करून ‘मालकिन’,
‘वेश्या’ असे शब्द वापरले जातात आणि दोषी पुरुषाला शिक्षा होत नाही?
पंतप्रधान, मला न्याय मिळवून द्या, हीच विनंती.”
तक्रारीतील आरोप:
रोहिणी घावारी यांनी आपल्या तक्रारीत गंभीर आरोप केले आहेत.
त्यांच्या मते,
- चंद्रशेखर आझाद यांनी संमतीशिवाय
जबरदस्तीने शारीरिक संबंध ठेवले.
- लग्नाचे खोटे आश्वासन दिले.
- शारीरिक आणि मानसिक शोषण केले.
- विरोध केल्यास जीवे मारण्याची धमकी दिली.
- तिचे खाजगी फोटो आणि व्हिडिओ सोशल
मीडियावर टाकण्याची धमकी दिली.
सध्या पोलिस आणि राष्ट्रीय महिला आयोगाकडे
तक्रारीची चौकशी सुरू असल्याची माहिती मिळाली आहे.
