श्री सिद्धेश्वर यात्रेनिमित्त मानकरींच्या घरात उजळले दिवे

सोलापूर, दि. ८- ग्रामदेवत शिवयोगी सिध्दरामेश्वरांच्या यात्रेनिमित्त सर्वत्र भक्तिमय वातावरण निर्माण झाले असून बुधवारी यात्रेतील मानकरी सुहास दर्गोपाटील यांच्या घरी  धार्मिक व मंगलमय वातावरणात देव्हाऱ्यामध्ये दिवे बसविण्याचा कार्यक्रम पार पडला. यात्रेनिमित दरवर्षी मानकरांच्या घरी दिवे बसवले जातात. ही परंपरा ९०० वर्षापासून चालत आली आहे. बुधवारी सकाळी मानकरी राजशेखर हिरेहब्बू यांच्या उपस्थितीत मानकरी सुहास दर्गोपाटील यांच्या घरी भक्तिभावाने दिवे बसविण्यात आले. याप्रसंगी पूजाविधी व नैवेद्य अर्पण केल्यानंतर राजीव हब्बु, अमित हब्बु, शिवकुमार हब्बू त्यांची पाद्यपूजा करण्यात आली. यावेळी नीलाबाई दर्गो पाटील, महानंदा दर्गोपाटील, शांताबाई कुताटे, रतन मानवी, श्रुती बंडे- दर्गोपाटील, प्राजक्ता हेले- दर्गोपाटील, पद्मावती दर्गोपाटील, नीरज मानवी, प्रभुराज मानवी, ज्योतिरादित्य, शिवाज्ञा, प्रियांश व दर्श आदी चिमुकलेही उपस्थित होते. कुटुंबातील सदस्यांनी 'श्री'च्या पूजेमध्ये भाग घेतला. त्यानंतर उपस्थितांना महाप्रसाद देण्यात आला. मसरे, भैरोपाटील, मुस्तारे, धुम्मा, कळके परिवार आदी मानकरीच्या घरांमध्ये यात्रेपूर्वी दिवे बसविण्याची परंपरा आहे. गेल्या अनेक वर्षापासून परंपरेनुसार आज घरी दिवे उजळले. पाच दिवस उपवासही केला आहे. गेल्या अनेक वर्षांपासून भक्तगणांना महाप्रसाद देण्याची परंपरा आहे. ही सेवा म्हणजे श्री सिद्धरामेश्वर यांच्या यात्रेत आमच्यासाठी आनंदाची पर्वणी असते.

सुहास दर्गोपाटील, मानकरी