परंपरागत कारागिरीला नव्याने उजाळा देण्याची गरज: वंजारी चित्र व शिल्पकला प्रदर्शनाचे उद्घाटन
.jpeg)
सोलापूर जिल्हा आर्टिस्ट अभिनव सहकारी संस्थेच्यावतीने आयोजित केलेल्या चित्र व शिल्पकला प्रदर्शनाचे उद्घाटन प्रा. वंजारी यांच्या हस्ते हुतात्मा स्मृती मंदिर पार्किंग येथे करण्यात आले. यावेळी प्रमुख पाहुणे म्हणून संगमेश्वर एज्युकेशन सोसायटीचे सचिव धर्मराज काडादी, प्रसिद्ध चित्रकार भगवान चव्हाण (चेन्नई), उद्योगपती दत्ता सुरवसे, एमआयटी महाविद्यालयाचे अतुल केडिया, वैष्णवी हिवरे, डॉ. उमा प्रधान यांच्यासह अन्य मान्यवर उपस्थित होते. प्रस्ताविकामध्ये संस्थेचे अध्यक्ष विठ्ठल मोरे यांनी संस्थेच्या कार्याची माहिती दिली, तर आभार अंजली स्वामी यांनी मानले. प्रा. वंजारी यांनी यावेळी शाळा-महाविद्यालयांमध्ये विद्यार्थ्यांच्या बुद्धीला महत्त्व दिले जात असले तरी, मानवी जीवनाच्या भावनात्मक पैलूवर अधिक लक्ष देण्याची आवश्यकता आहे, असे सांगितले. तसेच, परंपरागत कारागिरीला नव्या पद्धतीने उजाळा देणे हे काळाची गरज असल्याचे ते म्हणाले. या प्रदर्शनात २७ स्टॉल्स असून, चित्र व शिल्पे खरेदीसाठी उपलब्ध आहेत. हे प्रदर्शन २५ आणि २६ जानेवारीपर्यंत सकाळी १० ते रात्री ९ वाजेपर्यंत सर्वांसाठी खुले राहील. यावेळी महाराष्ट्र साहित्य परिषद शाखा सोलापूरच्यावतीने कवी संमेलनाचे आयोजन देखील करण्यात आले.
संचार प्रतिनिधी, सोलापूर, दि. २४: भारतीय समाज व्यवस्थेतील परंपरागत कारागिरी, जसे की लोहार, सुतार, कुंभार, चांभार इत्यादी मूळ कारागिरांचे स्वरूप विस्मरण होऊ नये, अशी महत्त्वाची टिप्पणी सर जे. जे. स्कूल ऑफ आर्ट महाविद्यालयाच्या शिल्पकला विभागाचे प्रा. मधुकर वंजारी यांनी केली. त्यांनी परंपरागत कारागिरीला नव्या पद्धतीने उजाळा देण्याची आवश्यकता व्यक्त केली.
