सुनील तटकरेंच्या उपस्थितीत; सोमवारी सोलापुरात (अजित पवार गटाच्या)राष्ट्रवादीचा मेळावा

सोलापूर, दि.19-

येणार्‍या महापालिका व जिल्हा परिषदेच्या निवडणुकीच्या अनुषंगाने पक्ष संघटन वाढीसाठी राष्ट्रवादी काँग्रेस अजित पवार गटाचे प्रदेशाध्यक्ष, खासदार सुनील तटकरे यांच्या उपस्थितीत सोमवार, 21 जुलै रोजी दुपारी 2 वाजता हुतात्मा स्मृती मंदिरात शहरातील पदाधिकारी व कार्यकर्त्यांचा मेळावा आयोजित करण्यात आला आहे, अशी माहिती राष्ट्रवादीचे शहराध्यक्ष संतोष पवार व कार्याध्यक्ष जुबेर बागवान यांनी शनिवारी राष्ट्रवादी भवनात आयोजित पत्रकार परिषदेत दिली.

या मेळाव्यात अन्य पक्षातील काही पदाधिकार्‍यांचा पक्ष प्रवेशही होणार आहे. आगामी महापालिका निवडणूक आम्ही महायुती म्हणूनच लढणार असून जास्तीत जास्त जागा निवडून आणण्यासाठी आमचा प्रयत्न राहणार असल्याचे पवार व बागवान यांनी यावेळी सांगितले.

यावेळी पक्षाचे ज्येष्ठ नेते चंद्रकांत दायमा, हेमंत चौधरी, परिवहन समितीचे माजी सभापती आनंद मुस्तारे, जनरल सेके्रटरी प्रमोद भोसले, महिला आघाडीच्या प्रदेश सरचिटणीस सायरा शेख, शहर कार्याध्यक्षा चित्रा कदम, युवती अध्यक्ष किरण माशाळकर, युवक अध्यक्ष सुहास कदम, सेवादल विभाग अध्यक्ष प्रकाश जाधव, अमीर शेख, वैभव गंगणे उपस्थित होते

.