कलबुर्गी येथे भीषण अपघात; ५ ठार, १० जखमी

कलबुर्गी : शनिवारी पहाटे ३.३० वाजण्याच्या सुमारास कर्नाटकातील कलबुर्गी जिल्ह्यातील नेलोगी क्रॉसजवळ एक दुर्दैवी अपघात घडला. बागलकोट जिल्ह्यातून आलेल्या प्रवाशांना घेऊन जाणारी व्हॅन रस्त्याच्या कडेला उभ्या असलेल्या ट्रकवर आदळली. या भीषण धडकेत पाच जणांचा जागीच मृत्यू झाला असून दहा जण जखमी झाले आहेत. जखमींवर कलबुर्गी येथील रुग्णालयात उपचार सुरू आहेत. पोलिसांनी दिलेल्या माहितीनुसार, मृतांमध्ये सर्वजण बागलकोट जिल्ह्यातील रहिवासी आहेत. या अपघातानंतर वाहतूक व्यवस्थेतील त्रुटी, अपुऱ्या चेतावणी चिन्हांची अनुपस्थिती आणि रस्त्यावर उभ्या असलेल्या वाहनांबाबत प्रशासनाची अनास्था यावर प्रश्नचिन्ह उपस्थित होत आहेत. कलबुर्गीचे पोलीस अधीक्षक ए. श्रीनिवासुलु यांनी घटनास्थळी भेट दिली असून या प्रकरणी नेलोगी पोलीस ठाण्यात गुन्हा दाखल करण्यात आला आहे.