हैदराबाद सरोगसी रॅकेट उघड: गरीब कुटुंबातून बाळ खरेदी, IVF उपचाराच्या नावाखाली फसवणूक
हैदराबाद, तेलंगणा – शहरातील सिकंदराबाद येथील Universal
Srushti Fertility Centre या बेकायदेशीररित्या चालवलेल्या IVF
क्लिनिकवर छापा टाकून हैदराबाद पोलिसांनी सरोगसीच्या नावाखाली
बाळ विक्री करणारे रॅकेट उघडकीस आणले आहे. या कारवाईत डॉ. अथलुरी नम्रता
(६४) यांच्यासह आठ जणांना अटक करण्यात आली.
प्रकरणाचा तपशील:
2024 मध्ये एका जोडप्याला
सरोगसीद्वारे बाळ देण्यात आले होते, परंतु नंतर DNA
चाचणीत बाळ जैविकदृष्ट्या संबंधित
नसल्याचे उघड झाले. यानंतर त्यांनी गोपालपूरम पोलीस ठाण्यात तक्रार दिली.
सरोगसीचा बनाव आणि ३५ लाखांची फसवणूक
डॉ. नम्रता आणि त्यांच्या टीमने या दाम्पत्याला बाळ सरोगसीद्वारे
तयार असल्याचे सांगून ३५ लाख रुपये उकळले. वास्तविकतेत,
हे बाळ एका गरीब दाम्पत्याकडून ९०,०००
रुपयांना खरेदी करून विकण्यात आले होते.
पोलिस कारवाई आणि आरोपींची यादी:
पोलिसांनी अटक केलेल्या प्रमुख आरोपी:
- डॉ. अथलुरी नम्रता – मुख्य आरोपी
- डॉ. नारगुला सदानंदम – गांधी रुग्णालयातील
भूलतज्ज्ञ
- पी. जयंत कृष्णा – डॉ. नम्रतांचा मुलगा
- सी. कल्याणी अच्चयाम्मा, जी. छेन्ना राव
– क्लिनिक कर्मचारी
- धनश्री संतोषी – एजंट
- मोहम्मद अली आदिक, नसरीन बेगम
– जैविक पालक
या सातही आरोपींना १४ दिवसांची न्यायालयीन
कोठडी सुनावण्यात आली आहे. विशाखापट्टणम शाखेतील सी कल्याणीला चौकशीसाठी
हैदराबादला आणले आहे.
फर्टिलिटी सेंटरचा परवाना आधीच रद्द
या सेंटरचा परवाना २०२१ मध्येच रद्द करण्यात
आला होता. तरीही डॉ. नम्रता कोंडापूर, विजयवाडा आणि विशाखापट्टणम येथे
बेकायदेशीर फर्टिलिटी सेंटर्स चालवत होत्या.
पूर्वीच्या गुन्ह्यांचा इतिहास
डॉ. नम्रता यांच्यावर यापूर्वी १० हून अधिक
गुन्हे दाखल आहेत. २०१६ आणि २०२० मध्येही अशाच प्रकरणांत त्यांची चौकशी झाली
होती. अमेरिकन अनिवासी भारतीय जोडप्यानेही त्यांच्यावर आरोप केले होते.
