G7 परिषदेत मोदी-मेलोनी मैत्रीची झलक; भारत-इटली संबंध दृढ होणार

कॅनडा :- पंतप्रधान नरेंद्र मोदी सध्या कॅनडातील कनानास्किस येथे सुरू असलेल्या G7 शिखर परिषदेत सहभागी झाले असून, यामध्ये त्यांनी इटलीच्या पंतप्रधान जॉर्जिया मेलोनी यांच्यासह विविध देशांच्या प्रमुख नेत्यांशी मैत्रीपूर्ण चर्चा केली. मोदी-मेलोनी भेटीचा फोटो सोशल मीडियावर चर्चेत इटलीच्या पंतप्रधान जॉर्जिया मेलोनी यांनी पंतप्रधान मोदींसोबतचा एक फोटो सोशल मीडियावर शेअर करत लिहिले, "इटली आणि भारत यांच्यात एक मजबूत मैत्री आहे." यावर पंतप्रधान मोदींनी उत्तर देताना लिहिले, "मी तुमच्याशी पूर्णपणे सहमत आहे. भारत आणि इटलीमधील मैत्री अधिक मजबूत होईल आणि ती आपल्या लोकांच्या हिताची असेल." मोदींची जागतिक नेत्यांशी चर्चा G7 परिषदेतून वेळ काढून पंतप्रधान मोदींनी दक्षिण कोरिया, मेक्सिको, दक्षिण आफ्रिका आणि ऑस्ट्रेलियाच्या प्रमुख नेत्यांशीही संवाद साधला. मेक्सिकन राष्ट्राध्यक्ष क्लॉडिया शीनबॉम पारडो यांची पहिली भेट: दोन्ही नेत्यांनी ग्लोबल साउथच्या प्राधान्यक्रमांवर आणि जागतिक-प्रादेशिक मुद्द्यांवर चर्चा केली. ऑस्ट्रेलियाचे पंतप्रधान अँथनी अल्बानीज यांच्याशी चर्चा: मोदी म्हणाले, "G7 शिखर परिषदेदरम्यान ऑस्ट्रेलियाचे माझे मित्र पीएम अल्बानीज यांना भेटून आनंद झाला." दक्षिण आफ्रिकेचे अध्यक्ष सिरिल रामाफोसा यांच्याशी संवाद: मोदींनी त्यांच्यासोबतचा फोटो शेअर करत सांगितले, "रामाफोसा यांच्याशी बोलून समाधान वाटले." जागतिक दक्षिणाचा मुद्दा ऐरणीवर परिषदेत सहभागी होण्यापूर्वी पंतप्रधान मोदी म्हणाले होते की, ते जागतिक नेत्यांशी विविध मुद्द्यांवर चर्चा करतील आणि विशेषतः "ग्लोबल साउथ" म्हणजेच विकसनशील देशांच्या चिंता व गरजा मांडतील.