ड्रोन हल्ल्यामुळे थरार: कनिमोळींसह भारतीय खासदारांचे विमान हवेत अडकले
नवी दिल्ली / मॉस्को – भारताच्या ‘ऑपरेशन
सिंदूर’ मोहिमेसाठी रशिया दौऱ्यावर गेलेल्या कनिमोळी यांच्या नेतृत्वाखालील
खासदारांच्या प्रतिनिधीमंडळाच्या विमानाला मॉस्को विमानतळावर ड्रोन हल्ल्याच्या
भीतीमुळे लँडिंगची परवानगी मिळाली नाही. युक्रेनकडून करण्यात आलेल्या हल्ल्यामुळे
मॉस्कोतील डोमोदेदोवो विमानतळ तातडीने बंद करण्यात आला.
यामुळे भारतीय प्रतिनिधीमंडळ हवेतच
काही काळ घिरट्या घालत राहिले, आणि थरार अनुभवावा
लागला. काही तासांनी सर्व सदस्य सुरक्षितपणे लँड झाले. रशियामधील भारतीय
दूतावासाच्या अधिकाऱ्यांनी त्यांचे स्वागत करून सुरक्षितरित्या हॉटेलपर्यंत
पोहोचवले.
प्रतिनिधीमंडळात सहभागी खासदार:
- कनिमोळी (डीएमके)
- राजीव
राय
(सपा)
- मियाँ
अल्ताफ अहमद
(नॅशनल कॉन्फरन्स)
- बृजेश
चौटा
(भाजप)
- प्रेमचंद
गुप्ता
(आरजेडी)
- अशोक
मित्तल
(आप)
- माजी
राजदूत मंजीव एस. पुरी
- माजी
राजदूत जावेद अश्रफ
ऑपरेशन सिंदूर – उद्दिष्ट काय?
22 एप्रिल रोजी
पहलगाम येथे झालेल्या दहशतवादी हल्ल्यानंतर भारताने पाकिस्तानविरोधात उचललेली
आंतरराष्ट्रीय जागरूकता मोहिम म्हणजे ‘ऑपरेशन सिंदूर’.
या अंतर्गत प्रतिनिधीमंडळ रशिया, स्लोवेनिया,
लाटविया, ग्रीस आणि स्पेनचा दौरा करणार आहे.
प्रत्येक देशात स्थानिक संसद सदस्य, परराष्ट्र मंत्रालय अधिकारी आणि धोरण
विश्लेषक संस्थांशी संवाद साधला जाणार आहे. शनिवारी स्थानिक माध्यमांसमोर पत्रकार
परिषद होणार आहे, आणि नंतर मंडळ पुढील दौऱ्यास रवाना होईल.
33 देशांमध्ये
भारताची जागतिक मोहिम
‘ऑपरेशन
सिंदूर’अंतर्गत भारत 33 देशांमध्ये विविध शिष्टमंडळे पाठवत
आहे. यामागचा उद्देश –
- भारताच्या
सीमापार दहशतवादविरोधी कारवाईचं समर्थन
- पाकिस्तानविरोधातील
ठोस पुरावे सादर करणं
- आंतरराष्ट्रीय
स्तरावर भारताची भूमिका मांडणं
इतर शिष्टमंडळांचे नेतृत्व:
- शशी
थरूर
– जर्मनी, फ्रान्स, ब्रिटन
- रवी
शंकर प्रसाद
– अमेरिका, कॅनडा, ऑस्ट्रेलिया
- संजय
झा
– मध्य आशिया, आफ्रिका
- बैयजयंती
पांडा
– दक्षिण आशिया, दक्षिण-पूर्व आशिया
- सुप्रिया
सुळे
– युरोपातील देश
- श्रीकांत
शिंदे
– मध्य आशिया, आफ्रिका
