बर्ड फ्लूबाबत सतर्कतेचे आवाहन
सोलापूर : राज्यातील काही जिल्ह्यांमध्ये बर्ड फ्लू, एव्हिएन इन्फ्लूएन्झा (क5छ1) या आजाराने
कुक्कुट पक्षी व कावळ्यांमध्ये मरतूक झालेली आढळल्याने या रोगाचा प्रादुर्भाव
टाळण्यासाठी दररोज आपल्या प्रक्षेत्रावरील स्वच्छता व निर्जंतुकीकरण करून
जैवसुरक्षाविषयक बाबींचे काटेकोरपणे पालन करावे. तसेच संशयित ठिकाणाहून पक्ष्यांची
वाहतूक टाळावी आणि ज्या ठिकाणी स्थलांतरित पक्षी मोठ्याप्रमाणात आढळतात तेथील
नागरिकांनी सतर्कता बाळगावी, असे आवाहन जिल्हा पशुसंवर्धन
अधिकारी डॉ. एन. एल. नरळे यांनी केले आहे. मानवी आहारामध्ये व्यवस्थित उकडलेली
अंडी व शिजवलेले चिकण खाणे पूर्णपणे सुरक्षित आहे. याबाबत कोणीही अनावश्यक गैरसमज
अथवा अफवा पसरवू नयेत. जिल्ह्यामध्ये अचानक मोठ्या प्रमाणावर पक्ष्यांमध्ये मरतूक
किंवा या आजाराची लक्षणे आढळल्यास तत्काळ नजीकच्या पशुवैद्यकीय दवाखान्याशी संपर्क
साधावा. त्याचबरोबर सर्व विभागीय अधिकारी व कर्मचारी यांनी आपापल्या
कार्यक्षेत्रातील कुक्कुट प्रक्षेत्राला नियमित भेट देऊन जैवसुरक्षाविषयक
उपाययोजनांबाबत मार्गदर्शन करावे व आपल्या कार्यक्षेत्रातील रोग प्रादुर्भावाबाबत
दक्ष राहावे, असे आवाहन डॉ. नरळे यांनी केले आहे.
