अ.भा उर्दू साहित्य समितीतर्फे विविध क्षेत्रातील मान्यवरांचा गौरव

सोलापूर:  अखिल भारतीय उर्दू साहित्य संमेलन समितीच्यावतीने दरवर्षी उर्दू दिनानिमित्त मराठी भाषिकातून उर्दू भाषा अवगत असणाऱ्या व उर्दू भाषेवर प्रेम करणाऱ्या एका मान्यवरांचा 'उर्दू मित्र' म्हणून, तर उर्दू साहित्य व शैक्षणिक क्षेत्रात तसेच उर्दू भाषेच्या विकासासाठी उल्लेखनिय कार्य करणाऱ्या मान्यवरांना त्यांच्या योगदानासाठी गौरव पुरस्कार देऊन सन्मानित करण्यात येणार असल्याची माहिती ॲड. यू. एन. बेरीया यांनी पत्रकार परिषदेत दिली. यंदाचा वर्षी आनंद देशपांडे यांचा 'उर्दू मित्र' म्हणून तर शिक्षण क्षेत्रात उल्लेखनिय कार्य करणाऱ्या मुख्याध्यापक आसिफ इक्बाल तर साहित्यिक क्षेत्रात उल्लेखनिय काम करणारे कवी इरफान कारीगर यांना गौरव पुरस्कार देण्यात येणार आहे. पुरस्कार वितरण समारंभ उद्या शुक्रवार महानगरपालिकेचे अतिरिक्त आयुक्त संदीप कारंजे यांचे हस्ते, जेष्ठ कवि बशीर परवाझ व प्रा.आय.आय. मुजावर यांच्या प्रमुख उपस्थितीत सांयकाळी ६.३० वाजता कॉ. एन. आर. बेरिया शैक्षणिक संकुल, लष्कर येथे आयोजित करण्यात आले आहे. यावर्षी हि संस्थेच्या वतीने उर्दू मित्र व शैक्षणिक व साहित्यीक क्षेत्रात काम करणाऱ्या मान्यवारांना सन्मानपत्र, सन्मानचिन्ह, शॉल व श्रीफळ तसेच प्रत्येकी पाच हजार रुपये देऊन गौरविण्यात येणार आहे. श्री. आनंद रघुनाथ देशपांडे हे कोहिनुर टेक्निकल इन्स्टीटयुट येथे प्राध्यापक म्हणुन कार्यरत असुन त्यांनी डिप्लोमा इन मेकॅनिकल इंजिनियरची पदवी प्राप्त केलेली आहे. त्यांची मातृभाषा मराठी असली तरी त्यांनी उर्दू भाषा अवगत केली आहे. तसेच आसिफ इक्बाल हे सोलापूर सोशल उर्दू प्राथमिक शाळेचे मुख्याध्यापक असुन त्यांनी उर्दू भाषेतुन एम.ए., बी.एड. व पी.एच.डी. केलेली आहे. त्यांना अनेक पुरस्कार मिळाले असुन ते उर्दू वृत्तपत्राचे पत्रकार आहेत. तसेच इरफार कारीगर हे उत्कृष्ठ कवि असुन ते आयकॉन कॉलेज ऑफ फायर इंजिनियरींग अॅण्ड सेफ्टी मॅनेजमेंट येथे प्राध्यापक म्हणुन काम करीत आहेत.  या पत्रकार परिषदेस इकबाल सय्यद, मोहम्मद शफी, नासिर आळंदकर आधी उपस्थित होते