भारतीय शेअर बाजारात चढ-उतार; सेन्सेक्स-निफ्टी घसरणीत, स्मॉलकॅप-मिडकॅप तेजीत
मुंबई – भारतीय शेअर बाजारात सोमवार (३० जून) रोजी सुरुवातीच्या व्यवहारात अस्थिरता
पाहायला मिळाली. सकाळी व्यवहार सुरू होताच सेन्सेक्समध्ये २०० अंकांची घसरण झाली
आणि निर्देशांक 83,850 च्या खाली गेला. निफ्टी
देखील ५० अंकांनी घसरून २५,६०० च्या खाली आला. फायनान्सियल
आणि ऑटो क्षेत्रातील शेअर्सवर विक्रीचा दबाव दिसून आला. सेन्सेक्सवरील कोटक बँक,
एनटीपीसी, पॉवर ग्रिड, भारती
एअरटेल, इन्फोसिस, एचसीएल टेक, एचडीएफसी बँक, ॲक्सिस बँक आणि मारुती हे शेअर्स ०.५
ते १ टक्क्यांनी घसरले. दुसरीकडे एसबीआय, इर्टनल, एलटी, सन फार्मा, हिंदुस्तान
युनिलिव्हर आणि टाटा स्टील या कंपन्यांचे शेअर्स वाढले. क्षत्रीय निर्देशांकांकडे
पाहता निफ्टी ऑटो आणि फायनान्सियल सर्व्हिसेसमध्ये घसरण झाली. मात्र निफ्टी पीएसयू
बँक निर्देशांकात १.५ टक्क्यांची वाढ झाली. निफ्टी मीडिया, फार्मा,
ऑईल अँड गॅस, हेल्थकेअर आणि कन्झ्युमर
ड्युराबल्स निर्देशांकही तेजीत उघडले. लहान व मध्यम आकाराच्या कंपन्यांचे शेअर्स
सलग सातव्या सत्रात तेजीत राहिले. विश्लेषकांच्या मते, मध्य
पूर्वेतील तणाव काही प्रमाणात कमी झाला असून विदेशी गुंतवणूकदारांनी बाजारात भाग
वाढवला आहे. तरीही निवडक क्षेत्रांतील नफेखोरीमुळे एकूण बाजारावर दबाव कायम आहे.
