कालकाजी मंदिरात हत्याकांड : प्रसाद-चुनरी न मिळाल्यामुळे सेवेकऱ्याची निर्दयी हत्या
दिल्लीतील प्रसिद्ध कालकाजी मंदिरात झालेल्या
धक्कादायक घटनेने राजधानी हादरली आहे. ३५ वर्षीय सेवेकरी योगेंद्र सिंह याला
प्रसाद आणि देवीची चुनरी न मिळाल्याच्या कारणावरून भाविकांनी काठ्यांनी मारहाण
करून ठार मारले. ही घटना सीसीटीव्हीत कैद झाली असून पोलिसांनी एका आरोपीला
अटक केली आहे.
🔹 घटना कशी घडली?
शुक्रवारी (२९ ऑगस्ट) रात्री ९.३० वाजता ही घटना घडली.
मंदिरात दर्शनासाठी आलेल्या भाविकांना प्रसाद आणि चुनरी न
मिळाल्याने त्यांनी सेवेकरी योगेंद्र याच्याशी वाद घातला.
वाद विकोपाला गेल्यानंतर आरोपींनी प्रथम लाथा-बुक्क्यांनी मारहाण
केली आणि नंतर थेट काठ्यांनी तुटून पडले.
🔹 मृत सेवेकरी कोण?
- मृत सेवेकरीचे नाव योगेंद्र
सिंह (३५)
- रहिवासी : फत्तेपूर, हरदोई (उत्तर प्रदेश)
- मागील १५
वर्षांपासून कालकाजी मंदिरात सेवा करत होता.
गंभीर जखमी अवस्थेत त्याला एम्स ट्रॉमा सेंटर येथे दाखल करण्यात आले, परंतु उपचारादरम्यान त्याचा मृत्यू झाला.
🔹 अटक आणि तपास
- हत्येनंतर आरोपी
घटनास्थळावरून फरार झाले.
- मात्र, मंदिरातील लोकांनी एक आरोपी पकडून
पोलिसांच्या ताब्यात दिला.
- अटक आरोपीचे नाव अतुल
पांडे (३० वर्षे) असे असून, पोलिसांनी
इतर फरार आरोपींचा शोध सुरू केला आहे.
- कालकाजी पोलीस
ठाण्यात हत्येचा गुन्हा नोंदवण्यात आला आहे.
Warning: Undefined variable $URLToRedirect in /home/dailysanchar/public_html/NewsDetails.php on line 213
Warning: Undefined variable $AdImage in /home/dailysanchar/public_html/NewsDetails.php on line 214