नाना पाटेकरांना अनोख्या पद्धतीने श्रद्धांजली; वारद चाळ नवरात्र महोत्सव मंडळाच्या लेझीम पथकाने वाहिली आदरांजली
सोलापूर : भारतीय चित्रपटसृष्टीतील अष्टपैलू अभिनेते नाना
पाटेकर यांच्या निधनाने सर्वत्र हळहळ व्यक्त होत असताना, सोलापुरातील वारद चाळ नवरात्र महोत्सव मंडळाच्या वतीने त्यांना भावपूर्ण
श्रद्धांजली अर्पण करण्यात आली. यावेळी उपमहापौर ज्ञानेश्वरी देवकर, नगरसेवक चेतन नरोटे, नगरसेविका संगीता जाधव, उत्तरा बरडे, हेमा चिंचोळकर यांच्यासह मंडळाचे
पदाधिकारी आणि मोठ्या संख्येने कार्यकर्ते उपस्थित होते. मंडळाच्या वतीने दिवंगत
अभिनेते नाना पाटेकर यांच्या प्रतिमेस पुष्पहार अर्पण करण्यात आला. त्यानंतर
मंडळाच्या लेझीम पथकातील खेळाडूंनी त्यांच्या प्रतिमेसमोर लेझीम ठेवून अनोख्या
पद्धतीने आदरांजली वाहिली. यावेळी उपस्थित वातावरण भावूक झाले. श्रद्धांजली
कार्यक्रमानंतर मंडळाच्या लेझीम पथकाने बहारदार लेझीम खेळ सादर केला. युवकांसोबत
मुलींनीही मोठ्या उत्साहाने सहभाग घेत लेझीम सादर केली. त्यांच्या जोशपूर्ण
सादरीकरणाने उपस्थितांची मने जिंकली.
नाना पाटेकर यांच्या कलाक्षेत्रातील योगदानाला अभिवादन
करत मंडळाच्या वतीने आयोजित करण्यात आलेल्या या श्रद्धांजली कार्यक्रमातून
त्यांच्या आठवणींना उजाळा देण्यात आला.
