सोलापूर बाजार समितीत कांद्याला २०० ते ७०० रुपये क्विंटल दर; शेतकऱ्यांची किमान ३०-४० रुपयांची मागणी.
सोलापूर कृषी उत्पन्न बाजार समितीत कांद्याची आवक
वाढल्याने दरात मोठी घसरण झाली आहे. सध्या कांद्याला प्रति क्विंटल केवळ २०० ते
७०० रुपये दर मिळत असून सरासरी प्रति किलो सुमारे ७ रुपये दराने व्यापारी खरेदी
करत आहेत. उत्पादन खर्च आणि लागवडीवरील खर्चाच्या तुलनेत हा दर अत्यंत कमी
असल्याने शेतकरी वर्गात तीव्र संताप व्यक्त केला जात आहे. बियाणे, खते, औषधे, मजुरी आणि वाहतूक
खर्च यामध्ये मोठी वाढ झाली असताना मिळणारा बाजारभाव परवडणारा नसल्याचे
शेतकऱ्यांचे म्हणणे आहे. काही शेतकऱ्यांनी सांगितले की, उत्पादन
अपेक्षेपेक्षा कमी झाले असले तरी बाजारात आवक अचानक वाढल्याने दर कोसळले. परिणामी
अनेकांना तोटा सहन करावा लागत आहे. शेतकऱ्यांनी कांद्याला किमान ३० ते ४० रुपये
प्रति किलो दर मिळावा, अशी मागणी केली आहे. अन्यथा पुढील
हंगामात कांद्याच्या लागवडीवर परिणाम होण्याची भीती व्यक्त केली जात आहे. दरम्यान,
बाजार समिती प्रशासनाकडून आवक आणि मागणी यांचा आढावा घेतला जात असून
दर स्थिर राहण्यासाठी उपाययोजना करण्याची अपेक्षा शेतकरी व्यक्त करत आहेत.
Warning: Undefined variable $URLToRedirect in /home/dailysanchar/public_html/NewsDetails.php on line 213
Warning: Undefined variable $AdImage in /home/dailysanchar/public_html/NewsDetails.php on line 214