पूजा खेडकरच्या आई मनोरमा खेडकरकडून ट्रकचालकाचं अपहरण, पोलिसांनी केली सुटका – चौकशीसाठी समन्स बजावलं
पुणे | १5 सप्टेंबर २०२५
नवी मुंबईतील ऐरोली सिग्नलवर ट्रक आणि कारची धडक झाल्यानंतर घडलेली
घटना सध्या महाराष्ट्रात चर्चेचा विषय ठरली आहे. अपघातानंतर कारमधून उतरलेल्या दोन
व्यक्तींनी ट्रकचालक प्रल्हाद कुमार याला जबरदस्ती कारमध्ये बसवून नेलं.
त्यानंतर चालक बेपत्ता झाल्याची तक्रार नोंदवली गेली.
पोलिस तपासात
धक्कादायक उघडकी
- अपहरण झालेला ट्रकचालक पुण्यातील चतुश्रृंगी
परिसरातील घरात डांबून ठेवलेला आढळला.
- हे घर अन्य कोणी नसून मनोरमा खेडकर (पूजा
खेडकरची आई) यांचं होतं.
- पोलिसांनी कार (MH12 RT 5000) शोधून काढली आणि
त्यावरून थेट त्या घरापर्यंत पोहोचले.
पोलिसांसोबत
हुज्जत
पोलिसांनी घरात शिरून चालकाला सुटका केली. पण चौकशीसाठी पुढे गेल्यावर
मनोरमा खेडकर यांनी पोलिसांसोबत वाद घातला.
- दरवाजा उघडण्यास नकार दिला.
- पोलिस कारवाईला विरोध केला.
- वारंवार चौकशीस नकार दिल्याने अखेर पोलिसांनी त्यांना
समन्स बजावले आहेत.
सोशल मीडियावर
व्हिडिओ व्हायरल
घटनेदरम्यानचा एक व्हिडिओ सोशल मीडियावर मोठ्या प्रमाणावर व्हायरल
झाला आहे. यात मनोरमा खेडकर पोलिसांशी हुज्जत घालताना दिसतात.
पुढील कारवाई
या घटनेमुळे पूजा खेडकर आणि त्यांच्या कुटुंबाचा वादग्रस्त इतिहास
पुन्हा चर्चेत आला आहे. पोलिसांकडून पुढील तपास सुरू असून, मनोरमा
खेडकर यांना समन्स बजावल्याचे अधिकृतपणे सांगितले गेले आहे.
