Tata Capital Mega IPO: टाटा कॅपिटलचा 15,000 कोटींहून अधिकचा मेगा IPO प्रक्रियेला सुरुवात
मुंबई: टाटा समूहाच्या वित्तीय सेवा क्षेत्रातील कंपनी टाटा
कॅपिटलने शेअर बाजारात पदार्पण करण्याच्या
तयारीला सुरुवात केली असून, कंपनीने गोपनीय प्री-फायलिंग मार्गाने सेबीकडे IPO साठी कागदपत्रे दाखल केली आहेत. हा IPO 15,000 कोटी रुपयांपेक्षा अधिकचा असल्याचे
सांगण्यात येत आहे.
टाटा कॅपिटल बनली आठवी मोठी कंपनी
गोपनीय फायलिंग करणारी
▪ टाटा प्ले, ओयो, स्विगी, विशाल मेगामार्ट, क्रेडिला फायनान्शियल सर्व्हिसेस, इंदिरा आयव्हीएफ आणि फिजिक्सवाला या कंपन्यांनंतर टाटा कॅपिटलनेही गोपनीय प्री-फायलिंग मार्ग स्वीकारला आहे.
▪ 31 मार्च 2024 पर्यंत टाटा सन्सचा टाटा कॅपिटलमधील
हिस्सा 92.83% होता. उर्वरित हिस्सा IFC आणि टाटा समूहाच्या इतर संस्थांकडे
होता.
▪ टाटा सन्स आणि IFC या दोघांनी त्यांचा हिस्सा कमी करण्याचा निर्णय घेतला आहे.
10 गुंतवणूक बँकांची नियुक्ती
टाटा कॅपिटलने IPO प्रक्रियेसाठी 10 प्रमुख गुंतवणूक बँकांची नियुक्ती केली आहे:
- कोटक
महिंद्रा कॅपिटल
- सिटी
- जेपी
मॉर्गन
- अॅक्सिस
कॅपिटल
- ICICI सिक्युरिटीज
- HSBC सिक्युरिटीज
- IIFL कॅपिटल
- BNP परिबा
- SBI कॅपिटल
- HDFC बँक
IPO पूर्वी ₹1,504 कोटींचा राइट्स इश्यू
▪ 25 फेब्रुवारी रोजी टाटा कॅपिटलच्या बोर्डाने IPO योजनेला मंजुरी दिली होती.
▪ IPO लाँच करण्यापूर्वी ₹1,504 कोटी उभारण्यासाठी राइट्स इश्यू
मंजूर करण्यात आला होता.
